笠末若茶良（がさしわかちゃら）　世果報願ら　若茶良　と　民衆に分かれて歌う

琉歌035　若茶良
一、我(わん)や球美(くみ)ぬ島(しま)　　産(ん)まりやいびーしが　　　　　　　　
今(なま)からぬ　後(あとぅ)や　島(しま)とぅ　共(とぅむ)に　
※ヤサ　我(わん)ね　島(しま)ぬ　世果報(ゆがふう)願(にが)ら
琉歌038　若茶良
二、世間(しけ)ぬ為(たみ)なかい　　人(ふぃとぅ)ぬ為(たみ)なかい
命(ぬち)ぬある限(かじ)り　 　世果報(ゆがふう)願(にが)ら
※ヤサ　我(わ)った　島(しま)ぬ　世果報(ゆがふう)願(にが)ら
琉歌043　民衆
三、登武那覇(とぅんなは)ぬ城(ぐしく)　笠末(がさし)若茶良(わかちゃら)や
見(み)りば水廻(みじまわ)てぃ　按司(あじ)ぬ誉(ふまり)
琉歌044　若茶良
四、誠(まことぅ)恩(うん)受(うき)きてぃ　我(わん)や此処(くま)に居(う)ん
島(しま)ぬ為(たみ)行(い)ちゅし　天(てぃん)ぬ運命(さだみ)
※ヤサ　我(わ)った　島(しま)ぬ　世果報(ゆがふう)願(にが)ら
琉歌045　若茶良
五、大太陽(うふてぃだ)ぬ恵(みぐ)み　誠(まくとぅ)此処(くま)あらば
伊敷索(ちなは)城(ぐしく)までぃ　照(てぃ)らちたぼり
※ヤサ　我(わ)った　島(しま)ぬ　世果報(ゆがふう)願(にが)ら
琉歌046　民衆
六、君(きん)真物(まむん)印(しるし)　天(てぃん)ぬ運(うん)受(う)きてぃ
我(わん)した若茶良(わかちゃら)や　国(くに)ぬ宝(たから)
琉歌047　若茶良
七、ぬゆでぃ親（うや）がなし　戦（いくさ）しかきゆる
我（わん）憎（にく）さあらば　一人（ひちゅい）果（は）てら
※ヤサ　我(わ)った　島(しま)ぬ　世果報(ゆがふう)願(にが)ら
琉歌048　若茶良
八、暁(あかちち)ぬスナミ　一人(ひちゅい)泣(な)ち明(あ)かち
苦(く)ちさ　うらちらさ　涙石(なだいし)に捨(してぃ)てぃ
※ヤサ　我(わ)った　島(しま)ぬ　世果報(ゆがふう)願(にが)ら
琉歌049　民衆
九、立(たち)雲(ぐむ)向(ん)かてぃ　飛(とぅ)ぶる白鳥(しらどぅい)や
若茶良(わかちゃら)ぬ涙(なだ)ゆ　飲(ぬ)でぃどぅ鳴(な)ちゅみ
琉歌050　若茶良　民衆
十、真物(まむん)若茶良(わかちゃら)や　球美(くみ)ぬ為(たみ)果(は)てぃてぃ
世果報(ゆがふう)国(くに)創(ちゅく)てぃ　按司(あじ)ゆ偲(しぬ)ば　
※ヤサ　我(わ)った　島(しま)ぬ　世果報(ゆがふう)願(にが)ら
※ヤサ　我(わ)った　島(しま)ぬ　世果報(ゆがふう)願(にが)ら



笠末若茶良
他　琉歌
琉歌051
我（わん）や果（は）てぃるとぅん　心（くくる）安（や）し安（や）しとぅ
哀（あわ）り母親（ははうや）や　泣（な）ちやうらに
琉歌052
時（とち）や流（なが）りてぃん　世（ゆ）ん移（うつ）り変（か）わてぃ
城（ぐしく）からぬ眺（なが）み　変（か）わてぃ呉（くぃ）るな
琉歌053
若茶良（わかちゃら）や一人（ひちゅい）　球美（くみ）ぬ為（たみ）果（は）てぃてぃ
願（にが）たる平和（へいわ）や　現代（なま）どぅやゆる
琉歌054
スナミ頂（ちぢ）　登（ぬぶ）てぃ　母（はは）偲（しぬでぃ）で泣（な）ちゅる
男（ゐきが）若（わか）ちゃらや　粟国（あぐに）向（ん）かてぃ